அணையாத கனவுகள்

உலகெங்கும் உள்ள எம் மக்கள் உடலிலும் உள்ளத்திலும் வலியைச் சுமந்த வண்ணம் “கடைசி நேரத்தில் என்ன நடந்தது” என்ற ஏக்கத்தில் இன்னும் தவித்துக் கொண்டிருக்கின்றனர். இதற்கெல்லாம் ஓரளவு ஓத்தடம் கொடுப்பதாக இவரது எழுத்துக்கள் அமைந்துள்ளது என்பதில் சந்தேகமில்லை.

வலைத்தளங்களிலும் முகநூலிலும் பிரபா அன்புவின் பதிவுகளை வாசிக்கின்றபோது அந்த இடத்தில் நாமும் நிற்பது போன்றும் அந்தப் பாத்திரத்தினூடே பயணிப்பது போன்றும் பிரமை நமக்கு வந்து விடும். இலகுவான எழுத்து நடையில் எல்லோராலும் கிரகிக்கக் கூடிய முறையில் எழுதும் எழுத்து வன்மை பிரபாவின் ஒரு தனித்துவமான எழுத்தாற்றல் முறை என்று கூறுவதில் மகிழ்வடைகின்றேன்.

எமது போராளிகளின் சில போராட்ட வீர வரலாறுகளை அறிந்திருந்தாலும் போராட்டத்திற்கு அப்பால் அவர்களின் மனிதாபிமானப் பக்கங்களை அறிய வைத்து, அவர்களின் மகத்தான சேவைகளையும் தியாகம் நிறைந்த அர்ப்பணிப்புகளையும் வெளிக்கொணர்ந்த ஒரு வரலாற்று ஆவணமாக அமைத்தமைக்கு நன்றிகள் பல.