நீதிதேவன் மயக்கம்

காலம் காலமாகச் சொல்லப்பட்டு வரும் இராமாயணத்தை, ஆரிய–திராவிடக் கருத்தியல் மோதலின் பின்னணியில் புதிய பார்வையோடு மறுவாசிப்பு செய்கிறார் அறிஞர் அண்ணா.

இராமாயணத்தின் கதாபாத்திரங்களைக் கேள்விக்குள்ளாக்குவதோடு, இதுவரை சொல்லப்படாத தரப்பின் நியாயங்களையும் முன்வைக்கிறார். குறிப்பாகக் கம்பருக்கும் இராவணனுக்கும் இடையிலான உரையாடல்கள், நகைச்சுவையும் நையாண்டியும் சிந்தனையும் கலந்த சுவையான பகுதிகளாகத் திகழ்கின்றன.

பழக்கப்பட்ட புராணப் பார்வைகளைக் கேள்விக்கு உட்படுத்தி, வரலாறு, நீதி, அதிகாரம், அடையாளம் ஆகியவற்றைப் புதிய கோணத்தில் சிந்திக்க வைக்கும் அறிஞர் அண்ணாவின் மிக முக்கியமான படைப்பு ‘நீதிதேவன் மயக்கம்’.