காதலின் கார்காலம்

காதல் உள்ள உயிர்கள் இன்பக்களிப்பில் வாழ்நாட்களை நகர்த்துகின்றன. இந்த உலகை இயங்க வைக்கும் சக்தியே காதல் தான். கவிதாயினி சங்கரி சிவகணேசனின் காதல் கவிதைகள் இதயத்தில் தேனூறும் தன்மை வாய்ந்தவை. அதிலும் காதலையும் மழையையும் இணைத்து கவிதை புனைவதில் சங்கரிக்கு நிகர் எவரும் இல்லையெனலாம்.

காதலையும் மழையையும் இப்படியும் இனிமையாக அனுபவிக்க முடியும் என்பதற்கு சான்றான கவிதைகள். மழையுடன் கூடிய காதலால் வாசகனின் இதயத்தில் அழகிய மழையைப் பொழிகின்றார் சங்கரி. இன்றுள்ள கவிதாயினிகளில் சங்கரி தனித்துவமானவர்; மிகுந்த வீச்சோடு மொழி லாவகத்துடன் அருமையான கவிதைகளைப் படைத்துக் கொண்டிருக்கும் அற்புதமான கவிதாயினி.
சங்கரியின் ‘காதலின் கார்காலத்தில்’ நனைந்து அனைவரும் இன்புறுவோம்.

— பரணீ